ဩဂုတ်လ ၂ရက်၊ ၂၀၀၂ ပြီးသွားခဲ့ပြီ။ အဆောင်ကို ပြန်ရောက်တော့ စာကြည့်စားပွဲပေါ်က ကဗျာစာအုပ် တစ်အုပ်ကို ဘာရယ်မဟုတ်ပဲ ဆွဲယူကြည့် မိတယ်။ ဟိုဟိုဒီဒီ လှန်လှောပြီး ဖွင့်လိုက်တော့ ကဗျာတစ်ပုဒ်နဲ့ ခလုတ်ဝင်တိုက်တယ်။ ကြည်အေးရဲ့ “တစ်ဝက်တစ်ပျက် အိပ်မက်” ဆိုတဲ့ ကဗျာလေးပါ။
စိုးရိမ်တစ်ဝက်၊ ကြိုးပမ်းဆက်လဲ
လိုင်းပျက်ထပ်ထပ်၊ နံပါတ်မှားဟန်
စကားလုံးမပြီ။ နားမလည်နိုင်
မီလုမီလု၊ ယခုတွေ့လု
သူ့နှုတ်ဆက်သံ၊ လက်လွတ်ပြန်၏။
တယ်လီဖုန်းသံ၊ ဖမ်းမိပြန်က
သူကပြောသည်
စိတ်စောမောသူ၊ မောင့်ချစ်သူလေး
“နေပူမယ်စိုး၊ နေရိပ်ထိုးတတ်”
စိုးမိုးတစ်မျိုး၊ အနားတိုးပြီး
အုပ်မိုးကာကွယ်၊ ဆံနွယ်လက်သပ်
ယုယတတ်သူ။
တယ်လီဖုန်းသံ
တဖန်ပြောင်းသစ်၊ အိပ်မက်ဖြစ်ထင့်
မြူရစ်နှင်းသည်း၊ မသဲကွဲပဲ
တွဲလွဲလွန့်ကျ၊ စိမ်းမြမြနှင့်
မိုးမခရွက်များ၊ ပခုံးဖျားပေါ်
ပါးပြင်ပွတ်သပ်၊ ပဝါခြုံထပ်ဟန်
မြစ်စပ်ကမ်းပါး
ခြေဖျားရေပက်၊ လက်ချင်းဆုပ်ထွေး
ပူနွေးနှုတ်ခမ်း၊ တွေ့ဆုံနမ်းမှ
ခုံတန်းလျားမှာ၊ ချစ်သနားစွ
စကားတူထိုင်၊ ပြောမပြီးနိုင်ခဲ့။
သိနိုးခက်လှ၊
အိပ်မက်ထဲမှ၊ ပြန်လာထပြန်
ယုယတတ်သူ၊ နှမချစ်သူကို
လူမရောက်တိုင်၊ လွမ်းအုံမှိုင်းပျ
ရစ်ဝိုင်းခွေထုံး၊ တယ်လီဖုန်းကြိုးကို
စိုးရိမ်တဝက်၊ ဆုပ်ဆွဲလက်တုန်
လိုင်းပျက်ထပ်ထပ်၊ နံပါတ်မှားထင့်
စကားလုံးမပြီ၊ နားမလည်နိုင်
မီလုမီလု၊ ယခုတွေ့လု
သူ့နှုတ်ဆက်သံ၊ လက်လွတ်ပြန်ခဲ့
ဖန်တလဲလဲ၊ အိပ်မက်လွဲမှား
မသဲကွဲသော၊ သု့စကားပြောသံ
ဆန်းကြယ်ဖန်ဆင်း၊ စိတ်ရှုပ်ရင်းပင်
ထင်လင်းတွေ့မြင်၊ သူ့ရုပ်သွင်ပင်
ကြည်လင်သိခက်၊ သတိပျက်ထင့်
တစ်ဝက်တစ်ပျက် တွေ့ဆုံခြင်း။
ကဗျာလေးကို ဖတ်ပြီး သူမဆီ ညဘက်ဖုန်းဆက်တုန်း သူမရဲ့ မောင်လေးက “ငယ်ငယ်တုန်းကခင်တယ်၊ ခုချစ်ရတဲ့ သူငယ်ချင်း ချစ်သူလေးရယ်” ဆိုတဲ့ သီချင်းကို ဂစ်တာတီးပြီး ဒီဘက်က ကျွန်တော် မကြား၊ ကြားအောင် ဆိုပြ နေခဲ့ဖူးတာ၊ တစ်ရက်ကို ဖုန်း သုံးကြိမ် ထက် မနဲ ပြောဖြစ်ခဲ့ကြတာ။ ဒါတွေအားလုံးက အာရုံထဲမှာ ရုပ်ရှင် အနှေးပြကွက်လို တစ်စချင်း ရစ်ဝဲလို့။ မျက်လုံးတွေ မှိတ်ထားလဲ အိပ်လို့မရတော့။ ကြည်အေးရဲ့ ကဗျာလေးရယ်၊ သူမရဲ့ ကဗျာလေးတွေရယ်က သိမ်းထုပ်ထားတဲ့ အလွမ်းတွေကို ဖြေဖြေချ။ လွမ်းတယ် ကောင်မလေးရယ်။
ရေးသားသူ - ဖိုးတာ
