“အရူး” ပုံပြင်

ဒီလမ်းဟာ အန္တရယ် ရှိမှန်းလည်း သိတယ်။ ကိုယ့်ဘဝအတွက် အကျိုးမရှိရုံမက၊ အကျိုးယုတ်စေဖို့ အခြေအနေလည်း ရှိနေတယ်ဆိုတာ အတွေ့အကြုံအရ သူသိနေတယ်။ ဒါပေမဲ့ ပျော်ရွှင်လွတ်လပ်မှု တချို့က ဒီလမ်းမှာ ရှိနေပြန်တယ်။ သူရဲကောင်းဟာ အန္တရယ်လမ်းကို ရွေးချယ်တယ်။ သူရွေးချယ်တဲ့လမ်းဟာ ဆူးပြွမ်းပေမဲ့ အများကောင်းကျိုးဖြစ်တဲ့အတွက် သူဟာ သူရဲကောင်းအဖြစ် ဂုဏ်ပြုခံရတယ်။ အခုလမ်းက တော့ သူရဲကောင်းလို့ ဂုဏ်ပြုခံရမဲ့လမ်းလည်း မဟုတ်တာ၊ အခန့်မသင့်ရင် “ကိုယ်အလို့ ဒီလမ်းကိုရွေးတာ၊ ခံပေါ့” လို့ မေးငေါ့ခံရနိုင်သေးတာ သူသိနေပြန်တယ်။ ဒါပေမဲ့ မီးလျှံကိုမှ တိုးဝင်ချင်တဲ့ ပိုးဖလံလိုမျိုး သူဟာအဲဒီလမ်းကို ရွေးခြယ်ဖို့ ခြေလှမ်းပြင်လိုက်တယ်။ “အို..ဒီလမ်းဟာ.. ချစ်ခြင်းတွေရှိပါတယ်၊ သံယောဇဉ်တွေပေါပါတယ်။” အဲဒီလို သူ့ကိုယ်သူ လှည့်စားရင်း သူ့ဘာသာ၊သူ့ကိုယ်သူ အယဉ်ကျေးဆုံးဘွဲ့ထူးတခု ချီးမြှင့်ပေးလိုက်တယ်။ “အရူး” တဲ့။ပုံပြင်လေးကတော့ ဒါပါပဲကွယ်။

ကျွန်တော်နှင့် “ဗြိကနဲ” ကမ်းခြေ

ကျွန်တော် ဒီ ကျွန်းကလေးကို ရောက်ကာစ ကပေါ့။ ကျွန်တော့် ချစ်သူငယ်ချင်းများက ဆင်တိုးစား ကို လိုက်ပို့ပေးမယ် ဆိုတော့ ချိန်းထားတဲ့နေရာမှာ သွားဆုံကြတယ်။ ကျွန်တော် ၀တ်လာတဲ့ ဂျင်းဘောင်းဘီနဲ့ ရှူးဖိနပ်ကြောင့် ရေထဲဘယ်လို ဆင်းဆော့မှာလဲ ၀ိုင်းပြောကြတော့မှ ဆင်တိုးစား ဆိုတာ ပင်လယ်ကမ်းခြေမှန်း သိတော့တယ်။ ကျွန်တော်က အဲဒီလောက်ကို တုံးတာ အတာလေ။
သယ်ရင်းတွေ အများကြီး ပျော်ပွဲစားထွက်သလို ဂျိုင့်ကြီး၊ ဂျိုင့်ငယ် စားဖွယ်စုံစုံနဲ့ အဲ့ဒီ ကမ်းခြေကို ချီတက်ကြတယ်။ ကျွန်တော်ကလည်း ခွဲနေခဲ့ရတဲ့ သယ်ရင်းတွေ အတော်များများကို ခုလို ပြန်တွေ့ရတော့ ပျော်လို့။ အလုပ်လာရှာတယ်ဆိုတာတောင် မေ့ချင်ချင် ဖြစ်သွားတယ်။
ကမ်းခြေရောက်တော့ လည်ကြ၊ ပတ်ကြ စားသောက်ပြီး အပန်းဖြေကြ။ ဓာတ်ပုံတွေ ရိုက်ကြ၊ စကြ နောက်ကြနဲ့ ပျော်မဆုံးပေါ့။ ပင်လယ်ထဲ သယ်ရင်းတွေ ရေဆင်းဆော့ကြတော့ အ၀တ်ပို မပါတဲ့ ကျွန်တော်လည်း ရေဆင်းဆော့ချင်လို့ ဆင်းဆော့တာပေါ့ဗျာ။ အဲဒီမှာ ဇာတ်လမ်းက စတာပဲ။ ၀တ်ထားတာက ဂျင်းစ အသားပျော့ပျော့ ပါးပါး ဘောင်းဘီ။ ရေတွေ စိုတော့ ဘောင်းဘီက အသားမှာ ကပ်နေရော။ နေပူတယ်ဆို ခြောက်သွားမှာပဲပေါ့။ အဲဒီလိုပဲ ကျွန်တော်က မျှော်လင့်ထားခဲ့တာ။ ရေတွေဆော့လို့ အားရပြီး ချမ်းလာတော့မှ တံတားလေးတစ်ခုကို ဖြတ်ပြီး အနားယူရင်း ပင်လယ် ရှုခင်းကြည့်ဖို့ ဆောက်ထားပေးတဲ့ မျှော်စင်ပေါ်တက်ကာ လဘက်သုပ်စား အနားယူကြတယ်။ ရေစိုပြီးကပ်နေတဲ့ ဂျင်းဘောင်းဘီကြောင့် ကျွန်တော်က ထိုင်ရတာ အဆင်မပြေဘူး။ ဒါနဲ့ ခြေဖျားကိုထောက်၊ ခြေသလုံးသားကို အားပြုပြီး ကုန်းကွကွနဲ့ လဘက်ပန်းကန်ကို နှိုက်နေတာ။ အစားငမ်းနေတဲ့ ကျွန်တော့်ကို ကြည့်မရတဲ့ သယ်ရင်းတစ်ယောက်က စနောက်ချင်လာတယ် ထင်ပါရဲ့ဗျာ။ ဘာစိတ်ကူး ပေါက်မှန်းမသိဘူး။ ဖြုန်းဆို ကျွန်တော့် ပခုံးပေါ် လာပြီး သူ့ကိုယ်လုံးကြီးနဲ့ ထိုင်ချလိုက်ကော။ သူက အုပ်စုထဲမှာ အရပ်အရှည်ဆုံး၊ အထွားကျိုင်းဆုံး ပုဂ္ဂိုလ်လေး။ နဂိုကမှ ရေစိုပြီး အသားမှာ ကပ်ကျပ်နေတဲ့ ဂျင်းဘောင်းဘီလေးခမျာ သူဖိချလိုက်တဲ့ အလေးချိန်ကို မခံနိုင်ရှာဘူး။ “ဗြိကနဲ” ညာသံပေးပြီး နှစ်ခြမ်း ကွဲသွားရှာတော့တယ်။ အဲဒီ “ဗြိ” ဆိုတဲ့ အသံက တကယ့်ကို အကျယ်ကြီး။ ဆူင်္ညပွက်လောရိုက်နေတဲ့ တအုပ်စုလုံး ကောင်းကောင်းကြားလိုက်ရတယ်။
“ဘာဖြစ်တာလဲ၊ ဘာသံလဲ” သယ်ရင်းအားလုံး အသံတိတ်သွားတယ်။ အသံထွက်လာရာ ကျွန်တော့ဆီကို ၀ိုင်းပြီး ပြူးပြဲကြည့် လာကြတော့ ကျွန်တော့်မှာ ရှက်ရှက်နဲ့ သွားကလေး ဖြီးပီး “အဟီး၊ ဘောင်းဘီ ဖင်ကွဲသွားဘီ” လို့ လေသံလေးနဲ့ တိုးတိုးလေး ပြောတာတောင် ဒီတအုပ်လုံးက ကြားတယ်။
“အင်း၊ ဖြစ်ရမယ်” ဆိုပြီး တဟားဟားနဲ့ ၀ိုင်းရယ်ကြတာ ဆူလို့ညံလို့။ ကျွန်တော်လဲ ရှက်ရှက်နဲ့ ရယ်နေရတာပေါ့ဗျာ။ ဘောင်းဘီဖင်ကွဲကို ၀ိုင်းကြည့်ကြလို့ ကျွန်တော့်မှာ အင်္ကျီနဲ့ မနည်း ဆွဲဖုံးထားရတယ်။ ဘောင်းဘီဂျင်းသားကလဲ ကောင်းလိုက်ပုံများတော့ တင်ပါးကနေ ဟိုးပေါင်လည်ထိ ကွဲသွားလိုက်တာ။ အင်္ကျီနဲ့ ဆွဲဖုံးထားတာတောင် မလုံဘူး။ အင်္ကျီနဲ့ ဖုံး ဖုံးပြီး လမ်းလျှောက်နေရတဲ့ ကျွန်တော့်ကို သယ်ရင်းတွေက တခွိခွိနဲ့ ရယ်လို့မဆုံး။ အဲဒီ “ဗြိ” ကနဲ ထွက်လာတဲ့ အသံကိုလဲ ကျွန်တော့်မြင်တိုင်း ပြန်ပြီး ကြားနေလားမသိ။ မျက်နှာပိုးကို မသတ်နိုင်ကြတော့ဘူး။ အင်္ကျီကို အောက်ဘက် များများရောက်အောင် ဆွဲဆွဲဖုံးပြီး လမ်းလျှောက်နေရတော့ ကျွန်တော်လဲ ကိုယ်ကို နောက်ဘက်လှန်ထားရတဲ့ အတွက် ကော့တော့ကြီး ဖြစ်နေပီး ခါးတွေတောင် ညောင်းနေဘီ။ ရှက်တတ်တဲ့ ကိုယ့်မှ လာဖြစ်ရတယ်။ ငါ့နှယ်နော်။ ပြောချင်ဘူး။ ပင်လယ်လေလေးက တဟူးဟူးတိုက်တိုင်း ကွဲနေတဲ့ ဘောင်းဘီက လေသလပ်ပြီး တဖြတ်ဖြတ်များတောင် မြည်နေသေး။ အင်း.. စိတ်ကြီးရယ် ညစ်လှပါလားဏော်။ သွားရလာရတာ ဖုံးဖုံးဖိဖိနဲ့ အဆင်က မပြေတော့ အဲဒီမှာရောင်းတဲ့ ဘောင်းဘီ ၀ယ်ဖို့သွားမေးတာက ဈေးကြီးလွန်းလို့ မ၀ယ်နိုင်ဘူး။ သယ်ရင်းတွေက ၀ယ်ပေးမယ်ဆို ကျွန်တော်က အားနာတော့ ရပါတယ်ဆိုပြီး ဒီအတိုင်းပဲ ဖုံးဖုံးဖိဖိလေး လျှောက်နေရတော့တာပေါ့ဗျာ။ သယ်ရင်းတွေကလဲ ကျွန်တော့် ကြည့်ကြည့်ပြီး တခွိခွိနဲ့ ဖြစ်နေကြတာ။ နောက်တခါများ ဆင်တိုးစား သွားမယ်ဆို ရာဇ၀င်ကို တွင်ရော။ “ကျွန်တော်နှင့်ဖင်ကွဲကမ်းခြေ” ဆိုပြီး တွေ့တိုင်း ခုချိန်ထိ စခံရတုန်း။ နှစ်နှစ်ကျော် သုံးနှစ်နီးပါး ကြာလာတာတောင် အဲ့ဒီကမ်းခြေသွားတိုင်း “ဘောင်းဘီဖင်ကွဲနေအုံးမယ်ဏော်၊သတိထားသွား” ဆိုပြီး အရယ်ခံနေရတုန်းပဲဗျာ။

(ဘာရယ်မဟုတ်ပါဘူး။ ဘ၀အမောတွေ ညည်းချင်းချခံထားရတော့ လာဖတ်ပြီး စိတ်မော ပြန်ရတဲ့မိတ်ဆွေတွေ နည်းနည်း စိတ်ပေါ့ပါး ပြုံးစေချင်လို့ ကျွန်တော့် တလွဲတချော်လေးတွေထဲက တစ်ခုကို ရေးပြီး တင်လိုက်တာပါ။ ခေါင်းစဉ်ကိုတော့ သယ်ရင်းတွေ ပြောပြောရယ်နေတဲ့ “ကျွန်တော်နှင့်ဖင်ကွဲကမ်းခြေ” ဆိုတာ ပေးမလို့ပါ။ အကြောင်းမသိရင် မိုက်ရိုင်းတယ် ထင်ခံရမစိုးလို့ ကျွန်တော်နှင့် ဗြိကနဲ ကမ်းခြေ လို့ ပေးလိုက်ရပါတယ်။ ဒါလဲ သယ်ရင်းတွေက တွေ့တိုင်း ပြောပြီး ရီကြတဲ့ထဲမှာ ပါတဲ့ စကားတစ်ခွန်းကို ယူထားတာပါ။ “ဘောင်းဘီကွဲသွားလိုက်တာများ ဗြိကနဲ” ဆို ပြောပြောပြီး ရီခံရတယ်လေ။ ပြောချင်ဘူး၊ ပြောကို မပြောချင်ဘူး။ မပြောချင်လွန်းလို့ ဆင်တိုးစားမှာ ထပ်ဖြစ်တဲ့ နောက်တစ်မှုကို ပြောပြအုံးမှာ။ ခုတော့.. ပြောချင်ဘူး။ ပြောကို ပြောချင်ဘူး။)

မိတ်ဆွေများအားလုံး ပျော်ရွှင်ကြပါစေ။

မေတ္တာဖြင့်
မိုးကုတ်သား