The Power of Color (အရောင်တွေရဲ့ စွမ်းအား)

အရောင်တွေကို ငယ်ငယ်ကတည်းက စိတ်ဝင်စားပေမဲ့ သေချာ မလေ့လာဖြစ်ခဲ့ဘူး။ အရောင်တွေက ပေးတဲ့ စိတ်အာရုံ ခံစားမှုတွေကို တော်တော် သိချင်ခဲ့တာ။ အခုတလော စာတွေ လိုက်ပီး ဖတ်ဖြစ်ရင်းနဲ့ စိတ်ဝင်စား မိတာလေးတွေ တွေ့ရင် မျှဝေပေးချင်နေမိတယ်။ ဒါနဲ့ပဲ ဖတ်မိတာထဲက တစ်ချို့ကို ရေးဖြစ်ပါတယ်။

"Colors, like features, follow the changes of the emotions." --Pablo Picasso

RED

အနီရောင်က စိတ်လှုပ်ရှားမှု အပေးနိုင်ဆုံး၊ အဆွဲဆောင်နိုင်ဆုံး၊ ပြီးတော့ တခြားအရောင်တွေထက် ပိုပြီး ထင်ရှားမှု အရှိဆုံး အရောင် ဖြစ်တယ်။ စိတ်လှုပ်ရှား တက်ကြွမှုကို အပေးနိုင်ဆုံး အရောင် ဖြစ်သလို အာရုံစိုက်မှုကို အများဆုံး ရရှိတဲ့ အရောင်လဲ ဖြစ်တယ်။ စိတ်ခြောက်ခြားဖွယ် ကောင်းတဲ့ အရာဝတ္ထုတွေမှာ သုံးရင် ပိုပြီး ထိတ်လန့် ကြောက်ရွံ့မှုကို ပေးသလို အေးဆေးတည်ငြိမ်တဲ့ အရာဝတ္ထုတွေမှာ သုံးတဲ့အခါ စိတ်ဝင်စားလာအောင် လှုံ့ဆော်ပေးပါတယ်။ pituitary နဲ့ adrenal ဂလင်းတွေကို လှုံ့ဆော်ပေးပြီး adrenaline ဆိုတဲ့ စိတ်ဖိအားပေးမှုတစ်မျိုးကို ဖြစ်စေတဲ့ ဟော်မုန်းတွေကို ထုတ်ပေးပါတယ်။ သွေးဖိအားကို မြင့်တက်စေပြီး အသက်ရှုနှုန်းကို မြန်ဆန်စေပါတယ်။ အာသာဆန္ဒ နဲ့ စားချင်စိတ် ကို ဖြစ်ပေါ်စေပြီး အနံ့ခံအာရုံကို ပိုကောင်းစေတယ်တဲ့။ အင်း စားသောက်ဆိုင်တွေမှာ အနီရောင် များများ သုံးရင် ပို ရောင်းကောင်းမယ် ထင်တယ်ဗျ၊ နော။

YELLOW

အဝါရောင် က လူတစ်ယောက်ရဲ့ ဦးဏှောက်ထဲမှာ ပထမဦးဆုံးသော ကွဲပြားထင်ရှား စေတဲ့ အရောင် ဖြစ်တယ်။ စိတ်ဖိစီးမှု၊ စိုးရိမ် ပူပန်မှု၊ ဂရုစိုက် သတိပြုခြင်း၊ အစရှိတဲ့ ခံစားမှုတွေနဲ့ ဆက်စပ်နေပြီး အကောင်း ဘက်မှမြင်ခြင်း၊ မျှော်လင့်ခြင်း၊ ဟန်ချက်ထိန်းညှိခြင်း၊ စိတ်တည်ငြိမ်ခြင်း တွေကို လှုံ့ဆော် ပေးပါ တယ်။ ရွှေဝါရောင် ဟာ ကံကောင်းခြင်းတွေကို ဆောင်ယူလာတယ်လို့ လူ့စိတ်အာရုံကို ယုံကြည်စေတယ်။ အဝါရောင်ဟာ စိတ်အာရုံကို နှိုးဆွ ပေးပြီး မှတ်ဉာဏ်ကို ကောင်းစေတယ်။ အသိဉာဏ် ပွင့်လင်း စေပြီး ဆက်သွယ်မှုအာရုံကို ဖြတ်လတ်စေတယ်။ စိတ်ကို ပျော်ရွှင်စေပြီး အနုပညာ ဈာန်ဝင်စားမှု အာရုံကို ပိုပြီး ကွန့်မြူးစေတဲ့အတွက် စာသင်ခန်းတွေမှာ သုံးဖို့ သင့်လျော်ပါတယ်။

ORANGE

လိမ္မော်ရောင်က အဝါနဲ့အနီ နှစ်ရောင်ရဲ့ ကြားက အရောင်ဖြစ်တယ်။ လိမ္မော်ရောင်ကို ချစ်သူ၊ မုန်းသူ တွေကြား အချေအတင် ဖြစ်မှုက တခြား အရောင်တွေထက် များပြားလှပြီး ပြင်းထန်တဲ့ အကောင်း၊ အဆိုး ခံစားမှုတွေနဲ့ ဆက်စပ် နေပါတယ်။ တောက်ပြောင်တဲ့ လိမ္မော်ရောင်ဟာ နွေးထွေးမှု နဲ့ တက်ကြွမှု စွမ်းအားကို ဖြန့်ကျက်ပေးပါတယ်။ လိမ္မော်ဘက် လုတဲ့ မြေကြီးရောင်၊ မက်မွန်ရောင်၊ သံချေးရောင် တွေဟာ လူ အတော် များများ နှစ်သက်ကြတဲ့ အရောင်တွေပဲ ဖြစ်ပါတယ်။ စိတ်လှုပ်ရှားတက်ကြွခြင်း၊ ပိုမို ခံတွင်း မြိန်စေခြင်း စတဲ့ အာရုံတွေကို လှုံ့ဆော်ပေးပြီး လူမှုရေးလုပ်ငန်းတွေမှာ တက်ကြွ ပါဝင်လိုစိတ်ကို အားပေးပါတယ်။ လေ့လာ သင်ယူမှု အာရုံတွေ အတွက် အသင့်လျော်ဆုံး တွေထဲက အရောင်တစ်ရောင် ဖြစ်ပါတယ်။

BLUE

အပြာရောင်က စိတ်နှလုံးကို အများဆုံး အေးငြိမ်းစေတဲ့ အရောင် ဖြစ်ပါတယ်။ စိတ်တင်းကျပ်မှုတွေကို ဖြေလျှော့ ပေးပြီး ကျေနပ်နှစ်သက်မှုကို တိုးပွားစေတယ်။ အပြာရောင်ကို မြင်လိုက်ရင် ကျွန်တော်တို့ ဦးဏှောက်တွေက neurotransmitters လို့ ခေါ်တဲ့ အာရုံ လှုပ်ရှားမှု ဆယ့်တစ်မျိုးကို ထုတ်ပေးလိုက်ပြီး ကိုယ်ခန္ဓာကို သက်တောင့်သက်သာ ရှိစေတဲ့အပြင် အပူချိန်၊ ချွေးထွက်ခြင်း၊ အာသာဆန္ဒတွေ ကိုလဲ လျှော့ချပေးပါတယ်။ အပြာရောင်ဟာ မှီခိုအားထားမှု၊ စိတ်ချယုံကြည်မှု နဲ့ တာဝန်ယူမှုတွေကို ခံစား ရရှိစေပါတယ်။ ကောင်းကင်နဲ့ ပင်လယ်ပြင်တို့ရဲ့ အပြာရောင်ကြောင့် လူတွေရဲ့ အပြာရောင်အပေါ် သဘောထားမှုက တည်ငြိမ်ခြင်းကို ဖြစ်စေပါတယ်။ အပြာရောင်တိုင်းကတော့ အေးချမ်းတည်ငြိမ်မှုကို ပေးနိုင်တာ မဟုတ်ပါဘူး။ လျှပ်စစ်မီး အပြာရောင်၊ အလွန်တောက်ပတဲ့ အပြာရောင် တွေက တက်ကြွမှု နဲ့ တခမ်းတနားရှိမှုကို ခံစားစေတယ်။ ဆွဲဆောင်မှုရှိတဲ့ အပြာရောင်တွေက စိတ်ကို ရွှင်ပျလန်းဆန်းစေပါတယ်။ ဒါပေမဲ့ အပြာရောင်မှိုင်းမှိုင်းတွေ၊ အပြာရောင်တွေကို လိုအပ်တာထက် ပိုသုံးမိရင်တော့ အေးစက်မှုနဲ့ လစ်လျှူရှုမှု တွေကို ခံစားရစေပါတယ်။ အပြာရောင်ဟာ ငြိမ်းချမ်းအေးမြပြီး စိတ်ကို တည်ငြိမ်စေတဲ့အတွက် အားပေးကူညီ စောင့်ရှောက်မှုအတွက် လှုပ်ရှားမှုတွေမှာ အသုံးပြုဖို့ သင့်လျော်ပါတယ်။

GREEN

အစိမ်းရောင်က လူတွေရဲ့ မျက်လုံးက မြင်နိုင်တဲ့ ရောင်စဉ် တွေရဲ့ နေရာ တော်တော်များများကို ယူထား ပါတယ်။ အပြာရောင် ပီးရင် ဒုတိယ လူကြိုက် အများဆုံး အရောင်ပါ။ စိတ်တည်ငြိမ် အေးချမ်းမှုကို ပေးတဲ့ အရောင်လဲ ဖြစ်ပါတယ်။ သွေးထဲက histamine လို့ ခေါ်တဲ့ ဓာတ်ပေါင်းတစ်မျိုးရဲ့ အင်အားကို မြင့်တက်စေပြီး အစာအဆိပ်သင့်ခြင်း၊ ဓာတ်မတည့်ခြင်းတွေကို လျှော့ချပေးပါတယ်။ အနာရောဂါပြီးတဲ့ ကုသမှုတွေမှာ အထောက်အကူပေးတယ်။ အစိမ်းရောင်ဟာ အေးမြမှုနဲ့ နွေးထွေးမှုကို သဘာဝအလျှောက် တွဲစပ် ထိန်းညှိ ပေးထားပြီး စိတ်အာရုံကိုအေးငြိမ်း လန်းဆတ်စေတယ်။ အစိမ်းရောင်ကို ပတ်ဝန်းကျင်ဆိုင်ရာ သဘာဝ သတ္တလောက နဲ့ ငြိမ်းချမ်းရေး အရောင်အဖြစ် သတ်မှတ်လေ့ ရှိပါတယ်။ အစိမ်းရောင်က စိတ်အေးချမ်းမှု ပေးရုံသာမက ကိုယ်ခန္ဓာကိုရော စိတ်အာရုံကိုပါ သက်တောင့်သတ်သာ အနားရစေပါတယ်။ ဝေဒနာကို သက်သာစေပြီး စိတ်ကျခြင်း၊ စိတ်အာရုံ ပြင်းပြင်းထန်ထန် လှုပ်ရှားခြင်းနဲ့စိုးရိမ်ပူပန်သောကများ ကို သက်သာရာရစေတယ်။ သဟဇာတ ညီညွတ်မှု၊ စိတ်ခွန်အားသစ်၊ ကိုယ့်ကိုယ်ကို ထိန်းချုပ်နိုင်မှု အစရှိတဲ့ စိတ်အာရုံတွေကို ခံစားရစေပါတယ်။ သဘာဝလောကကြီးရဲ့ နေရာတိုင်းလိုလိုမှာ စိမ့်ဝင် ပျံ့နှံ့ပြီး တရင်းတနှီး မြင်နေရတတ်တဲ့ သစ်တောစိမ်းရောင်အစ သံပရာစိမ်းရောင် အဆုံး အစိမ်းရောင်စဉ်တွေဟာ ဟာ စိတ်အာရုံကိုအေးငြိမ်း လန်းဆတ် နေစေတဲ့အတွက် အိမ်အတွင်းခန်း အပြင်အဆင်တွေရဲ့ နောက်ခံအရောင် (backdrop) အဖြစ် အသုံးပြုဖို့ သင့်လျော်ပါတယ်။

BROWN

အညိုရောင်က ကျွန်တော်တို့ ကမ္ဘာမြေကြီးရဲ့ အရောင်ဖြစ်ပြီး သဘာဝနဲ့ ဇီဝအခြေခံ အရာဝတ္ထု တော်တော် များများမှာ တွေ့ရတတ်ပါတယ်။ အညိုရောင်ဟာ တည်ငြိမ်မှု၊ စိတ်ချယုံကြည်မှု၊ ခင်မင်ဖော်ရွေမှု တို့ကို ရည်ညွှန်းပါတယ်။ လုံခြုံစိတ် နဲ့ သက်တောင့်သက်သာ ဖြစ်စိတ်တွေကို ခံစားရစေပြီး ပင်ပန်း နွမ်းနယ်စိတ်ကို လျော့ကျစေတယ်။ ကမ္ဘာမြေနဲ့ သွယ်ဆက်ပေးပြီး နေထားတကျ ဖြစ်စေသလို ကျန်းမာရေးနဲ့ ညီညွတ်ပြီး တည်ငြိမ်စေပါတယ်။

WHITE

အဖြူရောင်က သန့်ရှင်းဖြူစင်တဲ့ ကြားနေအရောင် ဖြစ်တယ်။ စိတ်အာရုံကို ဖြူစင်ကြည်လင်စေ သလို စိတ်ရှုပ်ထွေးမှု၊ အနှောက်အယှက် ဖြစ်မှုတွေကို သက်သာရာ ရစေတယ်။ အတွေးအာရုံ နဲ့ တုံ့ပြန်မှုတွေကို သန့်စင်အောင် နှိုးဆွပေးပြီး လန်းဆတ်တဲ့ စိတ်တွေကို အစပျိုးပေးပါတယ်။ ဆရာဝန်တွေရဲ့ ဂျူတီကုတ် နဲ့ ရိုးရာ သတို့သမီးဝတ်စုံတွေက အဖြူရောင်တွေ ဖြစ်တယ်။ အိမ် ခြံစည်းရိုးကို အဖြူရောင် သုတ်ထားတဲ့အခါ လုံခြုံပြီး ပျော်ရွှင်ဖွယ် ကောင်းတဲ့ အိမ်ကလေး အဖြစ် ခံစားရစေပါတယ်။

GRAY

မီးခိုးရောင်က အချိန် အတိုင်းအဆမဲ့တယ်၊ လက်တွေ့ကျတယ်၊ ခိုင်ခံ့တယ်။ အချိန်ကာလများစွာ လူတွေ နှစ်သက်ကြတဲ့ အရောင် ဖြစ်ပြီး ဘယ်အရောင်နဲ့မဆို တွဲစပ်လို့ လိုက်ဖက်တယ်။ မီးခိုးရောင်ကို ကျွန်တော်တို့ နှစ်သက်ကြ ဝတ်ဆင်ကြပေမဲ့ အကြိုက်ဆုံး အရောင်လို့တော့ မသတ်မှတ်ချင်ကြဘူး။ ဘာလို့လဲဆိုတော့ သူက ဆုံးရှုံးမှု၊ တွေဝေမှု၊ စိတ်ဓာတ်ကျမှုတွေနဲ့ ဆကိနွယ်နေလို့ပါ။ မီးခိုးရောင်ဟာ စိုးရိမ်ပူပန်စိတ်၊ ဂနာမငြိမ်စိတ် တွေကို ဖြစ်စေပြီး မျှော်တလင့်လင့် ခံစားရမှုတွေကိုလဲ ပေးပါတယ်။

BLACK

ပြင်းပြတဲ့ စိတ်အာရုံ ခံစားမှုတွေကို ကျော်လွှား ဖြတ်သန်းနိုင်တဲ့ တွန်းအားကို ပေးနိုင်တဲ့အတွက် အနက်ရောင်က အာဏာနဲ့ စွမ်းအားကို ဖော်ညွှန်းနိုင်ပါတယ်။ မပေါ်လွင်၊ မထင်ရှား တဲ့ စိတ်ကို ဖြစ်စေပြီး လွတ်လွတ်လပ်လပ် အေးအေးသက်သာ ရှိစေတယ်။ နက်နဲသိမ်မွေ့ ဆန်းကြယ်မှုတွေကို ခံစားရစေပြီး ဖြစ်နိုင်ချေ၊ အလားအလာရှိမှုကို မျှော်လင့်စေပါတယ်။ ဂန္ထ၀င်ဆန်တဲ့ ဒီ အနက်ရောင်ကို အဝတ်အစားတွေမှာ အသုံးပြုကြတာ များတယ်။ သူက ဝတ်ဆင်သူကို ပိုမို သွယ်လျ သွားစေသလို ပိုပြီးတော့လဲ ခေတ်မီစေပါတယ်။

PURPLE

ခရမ်းရောင် မှာ အနီရောင်ရဲ့ ဟန်ချက် ထိန်းညှိမှုနဲ့ အပြာရောင်ရဲ့ အေးချမ်း တည်ငြိမ်မှုတို့ ပါဝင် ဖွဲ့စည်း ထားတယ်။ အဲ့ဒီ အရောင် နှစ်ရောင်ရဲ့ ပါဝင်မှု အနဲ၊ အများပေါ် မူတည်ပြီး တခါတရံမှာ မကျေနပ်မှု၊ စိတ် မသက်မသာ ဖြစ်မှုတွေကို ခံစားရစေတယ်။ ဂန္ဓရီ ဆန်တဲ့ အာရုံ၊ ကြီးကျယ်ခမ်းနားမှု တွေကိုလဲ ခံစားရစေပါတယ်။ အနုပညာ ဖနိတီးမှု စွမ်းအားကောင်းတဲ့ ပညာရှင်တွေ၊ လူထူးလူဆန်းတွေနဲ့ မြီးကောင်ပေါက် မိန်းခလေးတွေ အများဆုံး ကြိုက်တတ်ကြတဲ့ အရောင်ပါ။ ခရမ်းရောင်က စိတ်ခွန်အားကို မြင့်တက်စေတယ်။ နောက်ပြီး စိတ်အာရုံ ခံစားမှုတွေကိုလဲ တည်ငြိမ် စုစည်းစေတယ်။ စိတ်ဝိဥာဉ်ပိုင်း ဆိုင်ရာဘက်ကို အထောက်အကူ ပေးသလို အနုပညာ ဖန်တီးမှု စိတ်ကူးတွေကိုလဲ ပိုပြီး နိုးကြားစေပါတယ်။

Dark color လို့ ခေါ်တဲ့ အမှောင်ဘက် သွားတဲ့ အရောင်တွေက စိတ် ဖိစီးမှုတွေကို လျှော့ကျစေပြီး အေးချမ်းမှုကို ခံစားရစေပါတယ်။

Bright color လို့ ခေါ်တဲ့ တောက်ပတဲ့ အရောင်တွေကတော့ စိတ်တက်ကြွ စေပြီး တီထွင်ဖန်တီးမှု အာရုံတွေကို နှိုးဆွ ပေးပါတယ်။ စိတ်အာရုံကို လှုပ်ရှားစေပြီး ရန်လိုစိတ် တွေကိုလဲ တခါတရံ ဖြစ်စေတတ်ပါတယ်။

စုဆောင်းတင်ပြသူ - မိုးကုတ်သား