သံယောဇဉ်

ဒီရက်ပိုင်း အလုပ်လေး နဲနဲ ရှုပ်နေတဲ့အတွက် စာတွေလဲ မရေးဖြစ်၊ အသစ်လဲ မတင်နိုင်သေးပါဘူး။
Tag ကြွေးတွေလဲ အမြန်ဆုံး ရေးပေးပါ့မယ်ခင်ဗျာ။ ကိုရွာသားလေး Tag တဲ့ ရင်ထဲက ပန်းလေးတစ်ပွင့် အကြောင်းက ရေးနေလက်စ၊ မပီးသေးပါဘူး။ ဖွားမေ့ (အဲလေ) မက်မက် ပြောပြခိုင်းထားတဲ့ အချစ်အကြောင်းဆိုတာကတော့ ခေတ္တ သည်းခံပေးပါအုံးလို့ အနူးအညွတ်တောင်းပန်ချင်ပါတယ်။ မခင်လို့၊ အလေးမထားလို့ မရေးတင်ပေးသေးတာ မဟုတ်မှန်းလဲ နားလည်နိုင်ကြမယ် မျှော်လင့်ပါတယ်။
လာလည်ကြတဲ့ မိတ်ဆွေတွေ ဖတ်ဖို့ ကျွန်တော် ကြိုက်လို့ သိမ်းထားဖူးတဲ့ နေဆူးသစ် ရဲ့ ကဗျာလေးတစ်ပုဒ်နဲ့ ဆားချက် (ဟုတ်ပါဘူး) မျှဝေ ခံစားလိုက်ပါတယ်။

သံယောဇဉ်*



အိပ်မက်လို ပျောက်သွားခဲ့ရင်

ရယ်မောဟားတိုက်ပစ်လိုက်ချင်ရဲ့

အဲ့ဒီကြိုးနှစ်ချောင်းပူး.. ကျစ်ဆံမြီးကိုပဲ

အပ်ပေါက်ထဲ ဖြည့်စွက်ထည့်နေခဲ့ကြ...။


စက္ကူဖြူတွေလောင်ကျွမ်းသွားတဲ့မီး၊

ပြာမှုန်ဖြန့်ကျက်ဧကများ

ခဏခဏ ရေးချွတ်ခဲ့တဲ့အမှားတွေလေ...။


အတိုင်းအဆသက်သက်

အရည်အသွေးသက်သက်

ပိုင်းခြားဖို့ မဖြစ်နိုင်တဲ့

သတ်ပုံကလည်း အများသား...။


လက်ဖ၀ါး၊ ခြေဖ၀ါး၊

ပြီးတော့...

နှလုံးသား

အားလုံးကို တီးခေါက်ကြည့်မိခဲ့

သံစဉ်လှလှလေးတွေ ထွက်မထွက်...။


ချိတ်နှစ်ချောင်းနဲ့ မညီမျှ

အဓမ္မဖိစီးတဲ့ ၀မ်းတွင်းနာက

ရင်အုံတစ်ခုလုံးကို

ပြောင်းပြန်လှန်ပစ်နေတော့တယ်...။ ။



(နေဆူးသစ်)

ဓာတ်ပုံလေးကို ဒီကယူပါတယ်ဗျာ။
Photo Credit to....

မေတ္တာဖြင့်
မိုးကုတ်သား