ချစ်ခဲ့မိတဲ့ ညနေခင်းတစ်ခုအကြောင်း

တစ်ခုသော ညနေချမ်းမှာပေါ့။
ကောင်းကင်ကြီးက တိမ်တစ်အုပ်နဲ့ ပြာမှောင်မှောင် ဖူးဝေလို့။ အိပ်တန်းပြန် ငှက်တစ် ချို့က ပင်လယ်ပြင်ကြီးကို ဖြတ်လို့ ပျံသန်းနေလိုက်ကြတာ။
သုတ်ခနဲ တိုက်ခတ်လာတဲ့ ပင်လယ်လေထဲက ဆားငွေ့ တွေကို အားပါးတရ ရှူရှိုက်ရင်း ပင်လယ်ထဲ ဆင်းဆော့ကာ ပျော်မြူးနေကြသူတွေဆီ အာရုံတွေ ရောက်သွားတယ်။

သူတို့ ပျော်ရွှင်နေကြတာတွေကြည့်ပြီး ကျွန်တော်လဲ ပျော်လာတယ်။ ရေထဲမှာ လူ အယောက်သုံးဆယ်လောက် ရှိတဲ့ အုပ်စု တစ်စု။ ၀တ်စုံ အနီနဲ့တစ်ဖက်၊ အနက်နဲ့တစ်ဖက် ရေကစားနေကြတယ်။ ကမ်းစပ်က ရေမစိုသူတွေကို ဖမ်းချုပ်ဆွဲခေါ်ပြီး ရေထဲကို ချီမသွားကြ၊ ၀ုန်းကနဲ ရေထဲပစ်ချလိုက်ကြ၊ ဝေးးကနဲ အော်ဟစ်ရယ်မောကြ။ သူတို့ကို ကြည့်ပီး ကျွန်တော့်ရင်ထဲမှာလဲ ဟေးကနဲ ဟစ်အော် ပျော်ရွှင်လို့။

ညနေစောင်းနေပြီမို့ ကျွန်တော် ငေးမောနေမိတဲ့ ပျော်စရာ လူအုပ်တွေလဲ ပင်လယ်ထဲမှာ ကျဲပါးသွားခဲ့ပြီ။
ကောင်းကင်ကလဲ ဆည်းဆာနဲ့ လှပလို့။ တိမ်တွေလဲ ပန်းရောင် လိမ္မော် ရွှေဝါ မီးခိုး အရောင်မျိုးစုံ တောက်စားလင်းလက်။ ပင်လယ်ကြီးတောင် လှိုင်းကြက်ခွပ်တွေနဲ့ လက်လက်ထလို့ နေတယ်။

အဲဒီအချိန်လေးမှာပဲပေါ့။ သူငယ်ချင်းတစ်ယောက်က လက်တို့ပြောတဲ့အတွက် မျက်နှာမူရာ တူရူဘက် ပင်လယ်ကြီးနဲ့ ကောင်းကင်ကြီးကို ငေးမောကြည့်နေရာက လည်ပြန် လှည့်ကြည့်မိတော့...။ လှပတဲ့ ဆည်းဆာကမ်းခြေဟာ လှပတဲ့ ချစ်ခြင်းတစ်ခုနဲ့ ပြည့်စုံတဲ့ ပန်းချီကားတစ်ခုအသွင် ပြောင်းလဲ သွားတော့တယ်။

သိပ်လိုက်ဖက်တဲ့ စုံတွဲလေး။ ချစ်ခင်ကြင်နာမှု၊ မြတ်နိုးယုယမှုတွေနဲ့ နူးညံ့သိမ်မွေ့တဲ့ မြင်ကွင်းလေး တစ်ခုက ကျွန်တော် ကျောပေးထားရာဘက် တည့်တည့်မှာ။ သူတို့ ဘယ်အချိန် ကတည်းက ဒီနားမှာ လာထိုင် နေကြသလဲ ကျွန်တော် မစဉ်းစားအား။ ဖြည်းဖြည်းငြိမ့်ငြိမ့် ဆော့ကစား သွားတဲ့ ညနေခင်းရဲ့ လေပြည်တွေကြောင့် လှုပ်ခတ်သွားတဲ့ သူတို့နှစ်ယောက်ရဲ့ ဆံနွယ်စတွေ၊ ချစ်ခြင်းနဲ့ နူးညံ့ပျော်ဝင်နေတဲ့ မျက်လုံးတွေ၊ အပြုံးတွေ နောက် ကျွန်တော် လွန့်လူး မိန်းမောသွားတယ်။ သိမ်မွေ့တဲ့ ကြည်နူးမှုလေး တစ်ခုက ကျွန်တော့် ရင်ဘတ်ထဲမှာ လှိုင်းစီးနေသလို သိမ့်သိမ့်ငြိမ့်ငြိမ့်။
တမေ့တမော ကျွန်တော် သူတို့ ချစ်သူနှစ်ဦးကို ငေးမောနေမိတယ်။

တစ်ယောက်ခြေထောက်ကို တစ်ယောက်ခြေထောက်က သောင်ပြင်ပေါ်က သဲကလေးတွေနဲ့ ဖုံးအောင် ဆော့ကစားနေလိုက်ကြ၊ တစ်ယောက် မျက်နှာ တစ်ယောက် ကြည့်ပြီး ပြုံးနေလိုက်ကြ၊ လက်ကလေးတွေ ဆုပ်ကိုင်ထားရင်းက တစ်ယောက်ကိုတစ်ယောက် ကြည့်ပြီး ရယ်ကြပြန်တယ်။ ကောင်ကလေးရဲ့ မြတ်မြတ်နိုးနိုး အကြည့်တွေထဲမှာ ကောင်မလေးက ကျေနပ်နှစ်သိမ့်စွာနဲ့ ကောင်ကလေးပခုံးကို မှီနွဲ့လိုက်ပြန်တယ်။ ဘယ်လောက် ကြည်နူးစရာ ကောင်းလိုက်သလဲ။

ဒီမြင်ကွင်းလေးမှာ တစ်ယောက်ကိုတစ်ယောက် မယုံကြည်ကြတဲ့ မသင်္ကာမှုတွေ မပါဘူး။ အမျက်ဒေါသသင့်နေတဲ့ နားမလည်ပေးမှုတွေ မပါဘူး။ တစ်ယောက်ကိုတစ်ယောက် စိတ်မချနိုင်တဲ့ ၀န်တိုမှုတွေ မပါဘူး။ အတ္တတွေ ပွက်ပွက်ဆူထနေတဲ့ အနိုင်ယူလိုမှုတွေ မပါဘူး။

ဆော့ကစားနေတဲ့ လေပြေပြေလေးတွေက သူတို့ နှစ်ဦးရဲ့ လူးလူးလွင့်လွင့် ဆံနွယ်တွေကြား ခရီးတထောက် နားနေကြရင်း နူးညံ့လှပတဲ့ ချစ်ခြင်းဖွဲ့ ကဗျာလေးတစ်ပုဒ်ကို ရွတ်ဆိုနေသလို။

ပင်လယ်ဆိုတာ ခုလို လေပြေ တဖြူးဖြူးနဲ့ သာယာကြည်နူးဖွယ်တော့ အမြဲမဟုတ်ဘူး။ မုန်တိုင်းထန်တဲ့နေ့တွေ၊ လှိုင်းကြမ်းတဲ့ ညတွေလဲ ရှိနိုင်သေးရဲ့။ ဖွဲ့သမျှကဗျာတွေတိုင်းဟာ ချစ်ခြင်းတွေချည်း အတိပြီးမယ် မဟုတ်မှန်း သိလဲ။

ကျွန်တော် သူတို့ချစ်သူနှစ်ဦးအတွက် မုန်တိုင်းထန် လှိုင်းကြမ်းတွေ ဘယ်တော့မှ မတွေ့ရပါစေနဲ့လို့ တိတ်တခိုး ဆုတောင်းပေးနေမိတော့တယ်။

မေတ္တာဖြင့်

မိုးကုတ်သား