မူးရင်မမောင်းနဲ့၊ မောင်းရင် မမူးနဲ့

မေမေ၊ သား ပါတီပွဲ သွားတော့ မေမေ ပြောတာတွေ မှတ်မိပါတယ်။

မေမေ ပြောတယ်နော်။ အရက်မသောက်ရဘူးလို့။ ဒါနဲ့ သားလဲ တခြား အချိုရည်ကိုပဲ သောက်ပါတယ်။

မေမေရယ်၊ သားရင်ထဲမှာ ဂုဏ်ယူလိုက်တာ။ မေမေ ပြောထားတဲ့အတိုင်းပဲပေါ့။

အရက်မူးပြီး ကားမမောင်းနဲ့ တဲ့၊ မေမေ။ တခြားသူတွေက သားကို သောက်ဖို့ ပြောတာတောင် သားတစ်စက်မှ မသောက်ပါဘူး။

သားက လုပ်သင့်တဲ့ အမှန်တရားတစ်ခုကို လုပ်နေတာပဲ၊ နော် မေမေ။ မေမေပြောသမျှ အမှန်တွေဆိုတာ သားသိပါတယ်။

မေမေရေ၊ အခုတောု့ ပါတီပွဲက ပြီးဆုံးသွားခဲ့ပါပြီ။ လူတွေလဲ မြင်ကွင်းကနေ တဖြည်းဖြည်းပျောက်သွားကြပြီ။

သား ကားထဲ ဝင်ထိုင်လိုက်ပြီမေမေ။ မကြာခင်အချိန်မှာ သား အိမ်ကို ပြန်ရောက်တော့မှာပါ။

မေမေစိတ်ပူနေမှာ သားသိတယ်လေ။ မေမေက သားကို တာဝန်ယူစိတ် အပြည့်ရှိပြီး ချိုမြိန်နွေးထွေးတဲ့ မေတ္တာတွေနဲ့ ပြုစုပျိုးထောင်ပေးခဲ့တယ် မဟုတ်လား။

အိမ်ကို ပြန်ဖို့အတွက် ကားကိုမောင်းထွက်လိုက်ပြီး ကားလမ်းမပေါ် အတက်မှာပေါ့။

တခြားကားတစ်စီးက သားကို မမြင်ဘူးမေမေ။ သားရဲ့ကားကို အရှိန်ပြင်းပြင်းနဲ့ ဝင်တိုက်တယ်။

သားအခု လမ်းဘေးက ပလက်ဖောင်းမှာ အသာလေး လဲလျောင်းခံထားရတယ်မေမေ။ ရဲသားကြီး ပြောနေတဲ့ စကားသံကိုလဲ ကြားနေရတယ်။

သားကို ဝင်တိုက်တဲ့ ကားမောင်းသူက အရက်မူးနေတယ် မေမေ။ ဒါပေမဲ့ အဲ့ဒီအတွက် ပေးဆပ်ရသူက သားဖြစ်နေပါရောလား။

သားလေ ဒီနေရာလေးမှာ လဲလျောင်းနေရင်း သေဆုံးရတော့မယ်ထင်ရဲ့။ မေမေရေ.... ဒီနေရာကို မေမေ အမြန်ရောက်ပါစေလို့ သားဆုတောင်းနေတယ်။

မေမေ၊ ဘာလို့ သား ဒီလို ဖြစ်ရတာလဲ၊ မေမေ။ သားရဲ့ အသက်က အခုတော့ ဖောက်ခွဲခံရတဲ့ ဘော့လုံးလေး တစ်လုံးလိုပါပဲလား။

သားရဲ့ ဘေးနားမှာ သွေးတွေချည်းပဲ မေမေရယ်။ အဲ့ဒီသွေးတွေ အားလုံးက သားရဲ့ သွေးတွေပဲပေါ့။

ဆေးမှူး ပြောနေတာ ကြားရတယ်မေမေ။ သားက သိပ်မကြာခင်အချိန်မှာ သေတော့မယ်တဲ့။

မေမေရယ်၊ သား မေမေ့ကို တစ်ခုပဲ ပြောချင်ပါတယ်။ သား အရက်လုံးဝ မသောက်ဘူးဆိုတာ ကျိန်ပြောရဲပါတယ်။

ဒါက တခြားသူကြောင့် ဖြစ်ရတာပါ မေမေ။ သူက မစဉ်းစားခဲ့ဘူးလေ။

သူက အခု သားပြန်လာတဲ့ ပါတီပွဲက လူတစ်ယောက်ယောက် ဖြစ်နိုင်တာပဲ။

တစ်ခုကွာတာက သူက အရက်သောက်သူ၊ သားက အဲ့ဒီအတွက် သေရမဲ့သူ။

လူတွေက ဘာလို့ အရက်ကို အဲ့ဒီလောက် မူးသွားအောင် သောက်ကြတာလဲ မေမေ။ အဲ့ဒါက ဘဝတစ်ခုလုံးကို ပျက်စီးသွား စေနိုင်တယ် မဟုတ်လား။

သားလေ အခု နာကျင်မှုဒဏ်ကို စူးစူးဝါးဝါး ခံစားနေရပြီ။ သားတစ်ကိုယ်လုံးကို ဓားထက်ထက်နဲ့ မွှန်းနေသလိုပဲ။

သားကို ကားနဲ့တိုက်ပစ်ခဲ့တဲ့ သူကတော့ အခု လမ်းလျှောက်နေနိုင်တယ်။ ဒါကို တရားတယ်လို့ သားမထင်ဘူး မေမေ။

သားကတော့ ဒီနေရာမှာ မလှုပ်မယှက် လဲလျောင်းနေရပြီး သူကတော့ အခု သားကို ငေးကြည့်နေရုံက လွဲပီး ဘာမှ မတတ်နိုင်တော့ဘူး မလား။

သားရဲ့ ညီလေးကို မငိုဖို့ ပြောပေးပါ။ ဖေဖေ့ကိုလဲ သတ္တိရှိဖို့ ပြောပေးပါ။

သား ကောင်းကင်ဘုံကို သွားတဲ့အခါ၊ သားရဲ့ အုတ်ဂူမှာ "ဖေဖေ့သား" ဆိုတာကိုသာ ရေးထိုးပေးပါ။

တစ်ယောက်ယောက်က အဲ့ဒီလူကို ပြောသင့်တယ်လို့ မေမေ တွေးနေမလား။ မောင်းရင် မမူးနဲ့ လို့။

သူတို့တွေသာ သတိပေးခဲ့ကြမယ်ဆိုရင်၊ သား အသက်ရှင်ခွင့်ရမယ်လို့ မေမေ မျှော်လင့်နေမှာပဲနော်။

သားရဲ့ အသက်ကို တော်တော် ခက်ခက်ခဲခဲ ရှူနေရပြီမေမေ။ သား တဖြည်းဖြည်း ကြောက်လာသလိုပဲ။

ကျေးဇူးပြုပြီး သားအတွက် မငိုပါနဲ့ မေမေရယ်၊ နော်။ သား မေမေ့ကို လိုအပ်တဲ့အချိန်တိုင်း မေမေက အမြဲ သားအတွက် အဆင်သင့် ရှိနေပေးခဲ့တာပဲ။

သား အားလုံးကို နှုတ်ဆက်မသွားခင် နောက်ဆုံး မေးခွန်းတစ်ခု မေးချင်တာ ရှိတယ်။

"သား အရက်မူးပြီး ကားမမောင်းခဲ့ပါဘူး။ ဒါပေမဲ့ ဘာကြောင့် သားက အဲ့ဒီအတွက် သေရမဲ့သူ ဖြစ်နေခဲ့တာလဲ"

ဒါ နောက်ဆုံးပါပဲ မေမေ

ခုချိန်မှာ သား ဆန္ဒက တစ်ခုထဲ... အဲ့ဒါ

မေမေ့ရဲ့ မျက်လုံးတွေထဲ တည့်တည့် ကြည့်ရင်း...

ဒီစကားကို ပြောခဲ့ချင်တယ်။

"မေမေ့ကို သားချစ်တယ်။ နှုတ်ဆက်ခဲ့ပါတယ် မေမေ"

သင့်လျော်အောင် ဘာသာပြန်ပါသည်။
ဘာသာပြန်သူ - မိုးကုတ်သား