မြစ်ထဲမျောတဲ့ရေ
-------
မျှော်လင့်ယုံကြည်ချက်
ရွှေအိုရောင် အိပ်မက်တွေနဲ့
ဘဝကိုတည်ဆောက်ချင်သူဟာ
ကံကြမ္မာဆိုတဲ့
မျက်လှည့်ဆရာရဲ့ရှေ့မှောက်
ဒူးထောက်နေရပေါ့။
အဖော်မဲ့ ညခရီးကြမ်းတွေကို
ဖြတ်သန်း
တပင်တပန်း
လျှောက်လှမ်းလာခဲ့ပြီးမှ
အာရုံတက်ချိန် မမြင်ရတဲ့အဖြစ်လောက်
ရင်နာစရာကောင်းတာ
ဘာရှိအုံးမှာလဲ တဲ့။
ခုများတော့...
ယိုင်နဲ့နေတဲ့စိတ်ဓာတ်
မဖြတ်လတ်တဲ့အာရုံတွေသာ
အနိုင်နိုင်
ပန်းတိုင်လည်းမှုန်ဝါးဝါး
ခွန်အားသွတ်သွင်းတဲ့ အခါတိုင်း
ရိုင်းစိုင်းလှတဲ့ကြမ္မာကို
အပြစ်ဆိုပုံချ..
ကဲ...
ဘဝဇာတ်ဆရာရေ
ကချင်တိုင်းက...။
---------------------------------------
ကျောင်းဆက်မတက်နိုင်တော့တဲ့အတွက် ဘာဆက်လုပ်ရမယ်မှန်းမသိ။ တက္ကသိုလ်တက်၊ ပညာတတ်ဘွဲ့ရပြီး ပညာနဲ့ အသက်မွေးဝမ်းကျောင်းမယ် ဆိုတဲ့ ရည်မှန်းချက်တွေ လဲပြိုခဲ့ရချိန်ကေ၇းဖြစ်ခဲ့တာပေါ့။ မှတ်မှတ်ရရ ရှိနေတာက ဆရာမ မေငြိမ်းရဲ့ ဝတ္ထုတစ်ပုဒ်ကို ဖတ်ပြီးမှ အိပ်ပျော်သွားတယ်။ တရေးနိုးလာတော့ ဒီကဗျာလေးကို စိတ်ထွက်ပေါက်အနေနဲ့ ချရေးဖြစ်တယ်။
ရေးသားသူ - ဖိုးတာ
No comments:
Post a Comment