ပန်းကဗျာ

ကျွန်တော် ရိုက်ထားတဲ့ ပန်းပုံလေးတစ်ချို့ကို အမ အိန္ဒြာ က ကဗျာလေးတွေ ရေးထားပေးခြင်း ဖြစ်ပါတယ်။


ကြော်ငြာ

အဲသလို
ရေနဲ့မိုးနဲ့ ခမ်းခြောက်နေခဲ့ရ
တစ်ပွင့်တည်းပဲ..
ဒါပေမယ့်...
"ကြာ"..ပြီ..။

မြက်ပန်း

မျှော်လင့်ချက်လည်တိုင်ကိုဆန့်လို့

တိမ်တွေကိုမော်ဖူးနေပုံက အိပ်မက်ဆန်နေမယ်

မြေစာမြက်သာသာရယ်ပါ..

ဒါပေမယ့်

ပွင့်တတ် ဝေတတ်ခဲ့...

ပန်းပါးပျဉ်း

ပန်းတစ်ပွင့်ပါပဲ..
ပါးပျဉ်းနဲ့ အဆိပ်နဲ့
သူ့အကြည့်သေးသေးလေးထဲမှာ
အ၀ါတွေ
မီးလျှံလို လောင်ငြီးလင်းပလို့...။

အဖြူကြွေ

တိတ်တိတ်ကလေး

ကြွေကျပေးထားတာပဲ..ကောင်းပါတယ်

ငါ့ အားနည်းချက်ကို..က

အဖြူရောင်လေ..

ငါ့ခမျာ..

စွန်းလွယ်..ပေလွယ်..
ထိခိုက်လွယ်လွန်း..ခဲ့.။

စက္ကူလွှာ

ဟင့်အင်း

စက္ကူမဟုတ်ပါဘူး

ဟောဒီ့ရိုးတံတစ်လျှောက်မှာသာ..

အငုံ့စိတ်တွေ..စိမ်းမြနေခဲ့တာ

ပွင့်အနီ

ဒီကနေ့
ပတ္တမြားရည်မိုးတွေများ
ရွာသွန်းဖြိုးခဲ့သေးလို့လား
ပွင့်လွှာမှာ..
အနီတွေ

စီးကျမလို

စိုလက်လို့

စိန်ပန်းပြာ

အဖေါ်အသင်းနဲ့မို့

ကြွေကျဖို့ဆိုလည်း ပွင့်ရဲတယ်

အတူတကွ.

ခုန်ချလိုက်ကြတဲ့ လောကဓံပလက်ဖေါင်းပေါ်မှာ..

ဘ၀တွေ ပြာနှမ်းနေအောင်လှပနေကြပေါ့..။

မေတ္တာဖြင့်
မိုးကုတ်သား