တနင်္ဂနွေ

တနင်္ဂနွေသည် တနင်္ဂနွေတစ်ခုသာ ဖြစ်သည် ဆိုပါစို့။ သူက ဘာမှ မပြောင်းမလဲသယောင် ရှိနေလိမ့်မည်။ သို့သော် ပြက္ခဒိန်ပေါ်က ရက်စွဲများ၊ သက္ကရာဇ်များကတော့ ပြောင်းလဲသွားခဲ့ပြီးပြီ...။ တနင်္ဂနွေချင်း တူသော်လည်း သေချာတာ တစ်ခုကတော့ ဒီ တနင်္ဂနွေသည် ယခင်က တနင်္ဂနွေနေ့ရက်များ မဟုတ်တော့။ နောင် ရှေ့ဆက် ကြုံရမည့် တနင်္ဂနွေများနှင့်လည်း ကွဲလွဲချက်တွေ ရှိနေပါအုံးမည်။ မပြောင်းလဲတာကတော့ မသိမသာ ပြောင်းလဲခြင်းများနှင့် သိသိသာသာ ပြောင်းလဲခြင်းများ သိသိသာသာရော မသိလိုက်ဘာသာရော ရှိခဲ့ခြင်း ဖြစ်သည်။ ဆက်လက်ရှိနေလိမ့်အုံးမည်။

တနင်္ဂနွေတစ်နေ့က ကျွန်တော် သူငယ်ချင်းများနှင့် အတူ လျှောက်လည် ဖြစ်ဖူးသည်။

တနင်္ဂနွေတစ်နေ့က ကျွန်တော် ရယ်မော ပျော်ရွှင်ခဲ့ဖူးသည်။

လွန်ခဲ့သော တနင်္ဂနွေတွေ အတော်များများမှာ မြင်မြင်သမျှ ကျွန်တော် စိတ်ဝင်စားတာတွေ့လျှင် ကင်မရာတစ်လုံးနှင့် လျှောက်ရိုက်ခဲ့ဖူးသည်။

တနင်္ဂနွေတွေမှာ ကျွန်တော် စိမ်းလန်းဖူးသလို တနင်္ဂနွေတွေမှာ ကျွန်တော် တိတ်တဆိတ် သွေ့ခြောက်ခဲ့ဖူးသည်။

တနင်္ဂနွေတစ်နေ့က ကျွန်တော့်ဘ၀မှာ တစုံတရာ ကောက်ရခဲ့ဖူးပြီး တစုံတရာ ပျောက်ရှခဲ့ဖူးသည်။

တခါတခါမှာတော့ တနင်္ဂနွေက ကျွန်တော့်ကို စိတ်ကောက်ဖူးပြီး ကျွန်တော်က တနင်္ဂနွေကို စကားမပြောသော အ၀ါရောင် တနင်္ဂနွေ နေ့ရက်များလည်း ရှိသည်။

တနင်္ဂနွေတစ်နေ့က ချစ်သူ စိတ်ဆိုးပြီး ကျွန်တော့်လက်ဖျံကို သွေးထွက်အောင် ဆိတ်ဆွဲခဲ့ဖူးကြောင်း အမာရွတ်တစ်ခု သက်သေရှိခဲ့သည်။ ကေးဝဋ်ပုဏ္ဏားလို အငြိုးစိတ်၊ နာကျည်းစိတ်နှင့်တော့ တစ်ခါဖူးမျှ ထိုအမာရွတ်ကို မကြည့်ဖူးကြောင်း အမာရွတ်ကို ခပ်ဖွဖွ နမ်းရင်း တနင်္ဂနွေတိုင်း ကျွန်တော်တိုင်တည်နေမိသည်။

`အိုကေ အာဘွားတစ်သောင်းနေရာအနှံ့

ဘတ်ဒေးပရဲဆန့် ´

တနင်္ဂနွေတစ်နေ့က ချစ်သူဆီမှ ရခဲ့ဖူးသော ထို.. မွေးနေ့လက်ဆောင်.. အနမ်းများသည် တနင်္ဂနွေတစ်နေ့မှာပဲ ပြန်ရုပ်သိမ်းသွားတာ ခံခဲ့ရဖူးသည်။ မှတ်မှတ်ရရ ထိုနေ့က ကျွန်တော့် စပယ်ရုံလေး သေဆုံးသွားသော နေ့တစ်နေ့လည်း ဖြစ်သည်။

တနင်္ဂနွေတစ်နေ့၏ အလင်းစစ်စစ်များအောက်မှာ ကျွန်တော်က အိပ်မက်နေခဲ့ပြီး အလင်းတုတွေ တောက်ပနေချိန်မှ နိုးထလာခဲ့ဖူးသည်။

တနင်္ဂနွေတစ်နေ့က မိတ်ဆွေတစ်ချို့နှင့် မိတ်ဆွေတစ်ယောက်၏ မင်္ဂလာဆောင်မှာ ဆုံဖြစ်ခဲ့ကြပြီး `မင်းရော.. ဘယ်တော့ မုန့်ကျွေးမှာလဲ´ ဆိုသည့် မေးခွန်းတစ်ခုကို ကြားကြားမိချင်း စားလက်စ ရေခဲမုန့် သီးသွားခဲ့ဖူးသည်။ မိတ်ဆွေများက ကျွန်တော် အားငယ်သွားတာဟု ထင်သွားကြ၏။ ကျွန်တော်က ဆုပ်ကိုင်နွေးထွေးခဲ့ဖူးသော လက်တစ်စုံကို တမ်းတမိသွားကြောင်း သူတို့ကို မပြောပြခဲ့ပါ..။ ချစ်သူကို လွမ်းဆွတ်စေသော ထိုမင်္ဂလာပွဲများကို ကျွန်တော်... မသွားချင်သော်လည်း ရှောင်ဖို့လည်း မကြိုးစားခဲ့..။

တနင်္ဂနွေတစ်နေ့က အသက် ဆယ့်ကိုးနှစ်အရွယ် ကျွန်တော့် ဆွေမျိုးတစ်ယောက် ငယ်ငယ်လေးနှင့် ဘာရောဂါမှ မရှိပဲ ရုတ်တရက် ဆုံးပါးသွားသည့်သတင်းကြောင့် လိမ္မာရေးခြားရှိလွန်းသည့် ခလေးတစ်ယောက်ကို နှမျောစိတ်နှင့် ၀မ်းနည်းကြေကွဲခဲ့ရဖူးသည်။

နောက်ပြီး တနင်္ဂနွေတစ်နေ့မှာပဲ ရေမကူးတတ်သော ကျွန်တော် ရေဆော့ကောင်းပြီး ပင်လယ်ရေနက်ထဲ မျောပါကာ ကံသီလို့ သေတွင်းက လွတ်ခဲ့ရဖူးသည်။ သေခြင်းတရားသည် အချိန်မရွေးရောက်လာတတ်မှန်း တနင်္ဂနွေမှမဟုတ်.. နေ့တိုင်း အသိရှိနေပါက ရှင်သန်ရခြင်း၏ ဒုက္ခ၊ သုခများကို ခံနိုင်ရည် ရှိလာမည်လား။ ဘ၀တစ်ခုကို အနိုင်ပိုင်းခြင်းသည် သေခြင်းတရားသာ ဖြစ်ကြောင်း ယုံကြည်သူများထဲမှာ ကျွန်တော် မပါဝင်ခဲ့ကြောင်း ထို.. တနင်္ဂနွေတစ်နေ့က ပြောပြခဲ့ဖူးပါသည်။

တနင်္ဂနွေနေ့ရက်တစ်ချို့မှာ ကျွန်တော် အားလပ်နေခဲ့ဖူးသည်။ သို့သော် ဘယ်ဘက်နှာခေါင်းပေါက်က အသက်ရှူသလား.. ညာဘက်နှာခေါင်းပေါက်က အသက်ရှူသလား... တနင်္ဂနွေနေ့ရက်ကို ၀င်လေရှူရှိုက်ခြင်းဖြင့် စတင်မိလိုက်သလား.. ထွက်လေကို မှုတ်ထုတ်လိုက်ရင်း စတင်မိလိုက်သလား ခွဲခြမ်းစိတ်ဖြာနိုင်လောက်သည်အထိတော့ သမာဓိအား မကောင်းသေးပါ။ သို့သော် စိတ်အခန့်မသင့်မှုများ၊ ဒေါသသင့်စေမှုများကြောင့် စွန်းပေသွားသော ကျန်ခြောက်ရက်လုံးက စိတ်အညစ်အကျေးတွေကို တနင်္ဂနွေတွေမှာ ကျွန်တော် ပြန်လျှော်ဖွပ်နိုင်သည်။

တခါတရံမှာ ကျွန်တော့်ခံစားချက်များသည် ပတ်ဝန်းကျင်နှင့် တိုက်ရိုက်အချိုးကျနေခဲ့ပြီး ကျွန်တော် ကိုယ်တိုင်၏ ဖြစ်တည်မှုများ မှုန်ဝါးသွားတတ်ခဲ့ရခြင်းများမှာ ကျွန်တော်၏ အားနည်းချက် သက်သက်သာ ဖြစ်ပြီး တနင်္ဂနွေနှင့် မှမဟုတ်၊ မည်သည့်နေ့များနှင့်မှ တစ်စွန်းတစ်ပါဒမျှ မသက်ဆိုင်ကြောင်း မမေ့မလျှော့ သတိလေး ရှိနေတတ်ခဲ့ပြီ။ နောက်ကျောမှ ဓားများအကြောင်းကို တနင်္ဂနွေတွေမှာ တဖွဖွကြားနေရသော်လည်း ကျွန်တော့်ကျောပြင်မှာ ဒဏ်ရာဒဏ်ချက်ရှိလား စစ်ဆေးဖို့ တစ်ခါဖူးမျှ သတိတရ မရှိတတ်ခဲ့ပါ။ တနင်္ဂနွေကတော့ ဓားတစ်လက် မဟုတ်တာ အင်မတန် သေချာပါသည်။

သိပ်ပြီး အားလပ်နေသော တနင်္ဂနွေများတွင်တော့ တနင်္ဂနွေသာ စကားပြောတတ်ပါက သူ ကျွန်တော့်အပေါ် ဘာတွေခံစားနေ၊ တွေးနေ၊ သုံးသပ်နေမိမှာပါလိမ့် ဟု ပေါက်ပေါက်ရှာရှာ စိတ်ကူးမိတတ်သည်။

တနင်္ဂနွေတွေကြောင့် ကျွန်တော်ပျော်ရွှင်ရခြင်း၊၀မ်းနည်းရခြင်း အပေါ် သူ ဘာတွေ ပြောချင်မှာပါလိမ့်။

တနင်္ဂနွေကို လိုအပ်စွာ ချစ်ခင်မိတတ်သလို တနင်္ဂနွေကို မလိုလားစွာ ခါးသီးမိခဲ့ခြင်းတွေအပေါ် သူဘာတွေ တုံ့ပြန်ချင်မှာပါလိမ့်။

တနင်္ဂနွေကို ရိုးရိုးသားသား ဖြတ်သန်းကြသူများ၊ မရိုးမသား ဖြတ်သန်းကြသူများ၏ တနင်္ဂနွေအပေါ် အမြင်များသည် သူနှင့်လုံးဝ မသက်ဆိုင်ကြောင်း၊ ကာယကံရှင်နှင့်သာ တိုက်ရိုက်သက်ဆိုင်ကြောင်း ရှင်းလင်းချက်များ ထုတ်ပြန်နေမှာလား.... ။ ကျွန်တော်တို့၏ တနင်္ဂနွေအပေါ် အမြင်ကြည်မှု မကြည်မှုတွေကို ခပ်မဆိတ်...မတုန်မလှုပ် လက်ပိုက်ကာ ပြုံးကြည့်နေမှာလား...... ။

တနင်္ဂနွေကတော့ သူ့ကို ဘုရားသခင်က ဖန်ဆင်းခဲ့တာလား.. လူတွေကသာ သူ့ကို ပြဋ္ဌာန်းခဲ့လား သိသိကြီးနှင့် ရေငုံနှုတ်ပိတ်နေပါလိမ့်မည်။ တနင်္ဂနွေက တစ်ခုခုတော့ ကျွန်တော်တို့ကို ပြောပါလိမ့်မည်....။ တနင်္ဂနွေ၏ အရောင်များကို ကျွန်တော် ခွဲခြမ်းဖို့ စိတ်မကူးမိသလို ကျွန်တော်ကြိုက်သော အစိမ်းရောင်တွေချည်းသာလည်း တနင်္ဂနွေကို ဆေးခြယ်ဖို့ ကြိုးစားမိမည် မဟုတ်ပါ...။

ဒီတနင်္ဂနွေမှာတော့ ကျွန်တော့် မှာ ဘာလျှို့ဝှက်ချက်မျှ မရှိကြောင်း တနင်္ဂနွေက မမေးပါပဲ ဖြောင့်ချက်တွေ ပေးနေမိသည်။ ကျွန်တော် ဖုံးကွယ်လိမ်ညာထားမှုများ ရှိပါက ထိုအရာများသည် သူတပါးအတွက် အကျိုးမရှိသော အရာများ.. တချို့က အကျိုးယုတ်စေသောအရာများသာ ဖြစ်ကြောင်း တိတ်တဆိတ် တောင်းပန် ပြောနေမိသော်လည်း တနင်္ဂနွေက အရာရာကို သဘောပေါက်နားလည်သည့် မျက်လုံးများဖြင့်သာ နားထောင်နေခဲ့၏။ ကျွန်တော့်သမိုင်း၏ ကောင်းကျိုး၊ ဆိုးကျိုးမှာ ကျွန်တော့် ကိုယ်ပိုင် လုပ်ဆောင်ချက်များ၊ ခံစားချက်များ၊ တုံ့ပြန်မှုများ.. အမြင်များနှင့်သာ တိုက်ရိုက်သက်ဆိုင်ကြောင်း ဘာသာ သိနေခဲ့ပြီးပြီ။ ထို့ကြောင့် အမှားမကင်းသော ရက်စွဲများအတွက် တနင်္ဂနွေကို နောင်တစကားတော့ မဆိုမိပါ။ သူတပါးကို ပေါ်ပေါ်တင်တင်ရော၊ ခြုံခိုလျက်ကော တိုက်ခိုက်တတ်သော သူတစ်ယောက် မဟုတ်ကြောင်း၊ နောက်ပြီး တစ်ချို့သော နောက်ကျောများကို ထိုးစိုက်ချဖို့အတွက် ကိုယ့်ကိုယ်ကို တသသ သွေးနေသော ဓားတစ်လက်မဟုတ်ခြင်းအတွက်တော့ တနင်္ဂနွေကို ရဲရဲဝံ့ဝံ့ ကျွန်တော် ပြောပြနိုင်ပါသည်။

တနင်္ဂနွေက ကျွန်တော့်ကို စကားတစ်လုံးသာ ပြန်ပြောလိုက်သည်။ ထိုအခါ ကျွန်တော့်စိတ်သည် လင်းပွင့်လို့ သွား၏။ တနင်္ဂနွေက သူ ကျွန်တော့်ကို ဘာပြောခဲ့သလဲ.. ဘယ်သူ့ကိုမျှ ပြန်မပြောပြဖို့ အထပ်ထပ် မှာကာ သူ၏ နံနက်ခင်းကို မိုးစက်များဖြင့် နိုးထစေလိုက်သည်။

တနင်္ဂနွေသည် တနင်္ဂနွေတစ်ခုသာ ဖြစ်သည်။ သူက ဘာမှ မပြောင်းမလဲသယောင် ရှိနေလိမ့်မည်။ သို့သော် ပြက္ခဒိန်ပေါ်က ရက်စွဲများ၊ သက္ကရာဇ်များကတော့ ပြောင်းလဲသွားခဲ့ပြီးပြီ...။ တနင်္ဂနွေချင်း တူသော်လည်း သေချာတာ တစ်ခုကတော့ ဒီ တနင်္ဂနွေသည် ယခင်က တနင်္ဂနွေနေ့ရက်များ မဟုတ်တော့။ နောင် ရှေ့ဆက် ကြုံရမည့် တနင်္ဂနွေများနှင့်လည်း ကွဲလွဲချက်တွေ ရှိနေပါအုံးမည်။ မပြောင်းလဲတာကတော့ မသိမသာ ပြောင်းလဲခြင်းများနှင့် သိသိသာသာ ပြောင်းလဲခြင်းများ သိသိသာသာရော မသိလိုက်ဘာသာရော ရှိခဲ့ခြင်း ဖြစ်သည်။ ဆက်လက်ရှိနေလိမ့်အုံးမည်။

ဒီတနင်္ဂနွေအတွက် စခဲ့သော ထို အတွေးများကို ပြန်သတိရမိသောအခါ ကျွန်တော် မရည်ရွယ်ပဲ မေးခွန်းတစ်ခု တနင်္ဂနွေကို မေးမိသွားသည်။ ခလေးဆန်သော ထိုမေးခွန်းအတွက်လဲ အားနာကာ... ကျွန်တော့်ကိုယ် ကျွန်တော် ရှက်သွားမိသေးသည်။

`တကယ်လို့များ ဒီနေ့ကို တနင်္ဂနွေလို့ မသတ်မှတ်ပဲ တစ်ခြား တစ်ခုခု သတ်မှတ်ခဲ့ရင် တနင်္ဂနွေဆိုတာ ရှိလာမယ် ခင်ဗျား ထင်သလား´

တနင်္ဂနွေက သူဖြေဆိုရန် မလိုအပ်သော ကျွန်တော့် မေးခွန်းကို အသာအယာ ခေါက်သိမ်းထားလိုက်ပြီး ဒီတစ်နေ့အတွက် လက်ကျန် မိုးရေစက်များကို ခါချနေခဲ့သည်။ ကျွန်တော်ကလည်း ဒီတနင်္ဂနွေ သူငယ်ချင်းအိမ် သွားကာ နေ့စာစားဖို့အတွက် ရွာနေသော မိုးကို မြန်မြန်တိတ်စေချင်ကြောင်း တနင်္ဂနွေကို ပြောပြမနေတော့ပါ။


မကြီး မနော်ဟရီ ရဲ့ တနင်္ဂနွေစီးချင်း ကို ဖတ်ပြီး စာမရေးဖြစ်တာ အတော်ကြာသွားတဲ့ ကျွန်တော် ဒီ စာစုလေး အမှတ်တရ ရေးဖြစ်သွားပါတယ်။ ဒီစာစုလေး ရေးဖြစ်စေဖို့ စိတ်ကူး..စပေးခဲ့တဲ့ မကြီး နဲ့ ဇက် ကို ကျေးဇူးတင်ပါတယ်...။

မေတ္တာဖြင့်
မိုးကုတ်သား